Maqaa IBSO ilaalchisee ibsa GBO irraa kenname

Bara 1999, qabsoo bilisummaa saba Oromoo jabeessuu fi cimsuuf jeccha DULO fi IBSOn waliti qindaa'anii akka qaama tokkootti maqaa Gumii Bilisummaa Oromiyaa (GBO) tiin hojjechuu calqabuun isaani kan beekkame.

Bara 2000 ennaa ULFOn dhaabbatu, miseensota IBSO kan turan gartokkeen akka IBSOtti malee akka Gumii-tti ULFO keessatti qooda hin fudhannu waan jedhaniif, qaama kana adda baasuu akka danda'amuuf, qaamni Gumiitti hafe akka IBSO-Gumii , kan didemmoo akka IBSO-1 ta'ee beekkamu waliigalame. Kanaafis Waligalteen Oromoo 2000 kan dhaaboleen Oromoo miseensa ULFO tahan jahan malateessan ragaa dha.

Haata'u malee, qaamni akka IBSO-1 ta'ee beekkamuu qabu kuni waliigaltee ULFO sana cabsee maqaa IBSO guutuutti dhimma itti bahaa jira.

Asirratti waanti sabni Oromoo akka nuuf beeku feenu:

1. qaamni IBSO-1 jedhamuu qabu kun IBSO jedhee ofwaamuun waliigaltee ijaarsota Oromoo (ULFO) fuunduratti fudhate diiguu isaa, fi
2. Walgayii Adoolessa 26, 2003 amma Hagaya 1, 2003 godhame, “All Party Conference of Ethiopian Opposition Political Organisations” keessatti kan qooda fudhate, walumaa–gala IBSO guutuutti otoo hint a'iin, qaama akka IBSO-1 ta'ee beekkamuu qabu duwwa akka ta'e dha. Walgahii Habashaa sana irraatti qooda fudhachuunis waliigaltee Tokkummaa Humnoota Bilisummaa Oromiyaa waliin godhame cabsuu akka tahe hubachiifna.

:: Oromiya Liberation Council (OLC)/GBO ::