Roorroo, miidhaa fii ergarama har'a ummatni keenya keeysa jiru maraaf burqaan sirna gabrummaa Habashaa ti. Dhuma jaarraa 19ffaa, yeroo harqootni gabrummaa kun walgargaarsaa fii qindoomina humna Habashaa tiifii Awroppaa tiin irra kaayamee kaasee sabni keenya takkaa nagaya argatee hin beeku. Wajiija gabrummaa kanaan gubachaa, waadamaa as gaye. Hegerees,, hamma gabrummaan kun hidda itti buqqa'ee dhabamu itti, hamma sabni keenya biyya, dantaa fii hiree isaa irratti murteeysaa tahee argamu itti, dhiitamuun, roorrifamuu fii miidhamuun isaa itti fufuun beekkamaa dha.
Cubbuu, salphinaa fii gidiraa kana balleeysuf, sabni keenya guyyaa dura weerarri gabrummaa kun isa aaggate irraa kaasee hamma yoonaa itti qabsaawaa ti jira. Qabsoon tun dhawaataan guddachaa muuxachaa dhuftee, baroota soddomman dabran, keeysattuu kurnoota boodaa kana keeysa, sadarkaa haarawa lixuun isii beekkamaa dha.
Yeroo tana keeysa, fedhiifii jaalalti ummatni keenya saba ofiitiif, tareetiis bilisummaa fii walabummaa biyya ofiitiif qabu sadarkaa abdachiisaa irraa gayee ti jira. Yoomirraahuu caalaa yeroo tana keeysa ummatni keenya sabummaan walqabatee diina isaa irratti bobbahuu dendeyee ti jira. Kana waan mirkaneeysu keeysaa tokko sabicha keeysaa murni bilisummaa fii walabummaa Oromiyaatiif morman, kan deeggaraniifii kan mararfatan baay'inaa fii bilchinaaniis yoom irraahuu caalaa yeroo tana keeysa guddatanii argamuu dha. Haalli kun dhaaboota siyaasaa Oromoo walaba tahan hedduu uumuun isaa hubatamaa dha. Kun, bu'aa qabsoon bilisummaa Oromoo hamma yoona itti buuste keeysaa isa guddaa tokko hoggaa tahu, karaa dammaqiinsa siyaasaatiin guudinni jiru abdachiisaa tahuu dha nama agarsiisa.
Karaa ijaarmayaatiin yoo laalle, tattaaffiin godhamte, guddinaa fii muuxannoon argamte tan hin tuffatamne taatullee qophii diinni qabuun walbira qabnee hoggaa laallu, gahaa tahuu dhabuu dha garra. Qabsaawootni Oromoo hedduun ammallee ijaarmayaan ala jiraachuu isaaniiti garra. Hammi jaaramaniis bakka bakka itti sossoohaa jiraachuu isaanii ti hubanna.. Bilisummaa Oromiyaa fiduuf haalli kun dhaabbachuu tu irra jira. Kan amma dura hin ijaaramin jaarmuu, kan jaaramees, waliigalee qindoominaa fii gamtoominaan qabsaawuu tu irra jira. Yoo san hin tahin qabsoon teenya galii isii rukutuu hin dendeeysu. Akeekni GBO hundeen kana hujiidhaan mirkaneeysuu dha. GBOn Ijaarmayoota Oromoo walaba tahan kan galiin isaanii bilisummaa Oromiyaa tahe maraaf banaa dha. Koottaa jara keenya waliin haa qabsoownu!! Humna sabaa tan gurmoowteen Oromiyaan ni bilisoomti !! Bilisummaa Oromiyaa Fiduuf Tokkummaan Humnoota Bilisummaa Oromiyaa Murteeysaa dha
Roorroo, miidhaa fii ergarama har'a ummatni keenya keeysa jiru maraaf burqaan sirna gabrummaa Habashaa ti. Dhuma jaarraa 19ffaa, yeroo harqootni gabrummaa kun walgargaarsaa fii qindoomina humna Habashaa tiifii Awroppaa tiin irra kaayamee kaasee sabni keenya takkaa nagaya argatee hin beeku. Wajiija gabrummaa kanaan gubachaa, waadamaa as gaye. Hegerees,, hamma gabrummaan kun hidda itti buqqa'ee dhabamu itti, hamma sabni keenya biyya, dantaa fii hiree isaa irratti murteeysaa tahee argamu itti, dhiitamuun, roorrifamuu fii miidhamuun isaa itti fufuun beekkamaa dha.
Cubbuu, salphinaa fii gidiraa kana balleeysuf, sabni keenya guyyaa dura weerarri gabrummaa kun isa aaggate irraa kaasee hamma yoonaa itti qabsaawaa ti jira. Qabsoon tun dhawaataan guddachaa muuxachaa dhuftee, baroota soddomman dabran, keeysattuu kurnoota boodaa kana keeysa, sadarkaa haarawa lixuun isii beekkamaa dha.
Yeroo tana keeysa, fedhiifii jaalalti ummatni keenya saba ofiitiif, tareetiis bilisummaa fii walabummaa biyya ofiitiif qabu sadarkaa abdachiisaa irraa gayee ti jira. Yoomirraahuu caalaa yeroo tana keeysa ummatni keenya sabummaan walqabatee diina isaa irratti bobbahuu dendeyee ti jira. Kana waan mirkaneeysu keeysaa tokko sabicha keeysaa murni bilisummaa fii walabummaa Oromiyaatiif morman, kan deeggaraniifii kan mararfatan baay'inaa fii bilchinaaniis yoom irraahuu caalaa yeroo tana keeysa guddatanii argamuu dha. Haalli kun dhaaboota siyaasaa Oromoo walaba tahan hedduu uumuun isaa hubatamaa dha. Kun, bu'aa qabsoon bilisummaa Oromoo hamma yoona itti buuste keeysaa isa guddaa tokko hoggaa tahu, karaa dammaqiinsa siyaasaatiin guudinni jiru abdachiisaa tahuu dha nama agarsiisa.
Karaa ijaarmayaatiin yoo laalle, tattaaffiin godhamte, guddinaa fii muuxannoon argamte tan hin tuffatamne taatullee qophii diinni qabuun walbira qabnee hoggaa laallu, gahaa tahuu dhabuu dha garra. Qabsaawootni Oromoo hedduun ammallee ijaarmayaan ala jiraachuu isaaniiti garra. Hammi jaaramaniis bakka bakka itti sossoohaa jiraachuu isaanii ti hubanna.. Bilisummaa Oromiyaa fiduuf haalli kun dhaabbachuu tu irra jira. Kan amma dura hin ijaaramin jaarmuu, kan jaaramees, waliigalee qindoominaa fii gamtoominaan qabsaawuu tu irra jira. Yoo san hin tahin qabsoon teenya galii isii rukutuu hin dendeeysu. Akeekni GBO hundeen kana hujiidhaan mirkaneeysuu dha. GBOn Ijaarmayoota Oromoo walaba tahan kan galiin isaanii bilisummaa Oromiyaa tahe maraaf banaa dha.
Koottaa jara keenya waliin haa qabsoownu!!
Humna sabaa tan gurmoowteen Oromiyaan ni bilisoomti !!